Roja 22’ê Adarê li bajarê Pforzheimê konserek Ozan Şêxo û hevalê wî yê Alman Mikeljî hebu.. Konser, teref komelek Almanî va hatibu organîzekirin. Sedem wê yekê xênci min, sê-çar kesê kurd beşdar bibun. Ê din hemû Alman bun.

Min gelek caran Şêxo guhdarî kiri bu, lê yê ku wê êvarê kilam digot, Şêxo yê berê ne bu. Wî bi kilam û stranên xwe, bi hunermendîya xwe ne tenê min, hemû guhdaran bir Kurdistanê, me bajêr bajêr gerand. Em bi kilamên wî, bi ava Xebur ra herikîn, bi Nemrut ra temaşa avabuna rojê kir. Vê rêwîtîyê da Mikeljî jî bi enstrumanên xwe yê ji hev cuda cuda, bi me ra hevaltî kir û muzîka Şêxo bi rewşek din xemiland.

Li derveyî welat gelek hunermendên kurd he ne. Piranîya wan bi nav û deng bin jî, tenê di nav kurdan da tên nasîn. Hemû guhdarvanên wan jî tenê kurd in. Lê Şêxo ne wusa ye. Di nav hunermendên dervayî welat da bi rastî cîyê Şêxo, cîyekî gelek girîng e. Ew bi hunermendîya xwe li ba gelê Alman jî gelek bi nav û deng e. Ew bi salan e bi vî karî muzîka kurdî ya dewlemend dide nasîn û me hemû kurd a gelek baş temsîl dike.

Li alîyê din cara yekem bû ku programa hunermendek kurd di zemanê xwe da destpêkir û bê qeza û bela qedîya. Ew jî hunermendîya Almanîyan bu.

Belê, me roja piştî newrozê, bi organizasyona Almanîyan, bi hunermendîya Şêxo û Mikeljî êvarek gelek xweş derbas kir. Dest û devên wan xweş be!

25'ê Adarê 2005