Albûma Nilüfer Akbal, ya bi navê Sewa/Gece derket. Di vê albûmê de jî wek mîna xebatên wî yên berê xêncî kurmancî, zazakî û soranî, duh kilamên tirkî, kilamek jî asurî he ye. Di nav kilamên kurmancî da kilameka hunermendê bi nav û deng Tehsîn Taha heye; „Min xem derya“.

Salên 70' yî de Ibrahim Tatlises, wî bi navê „Ayaginda Kundura“ wergerandi bu Tirkî û bi vê kilamê navdar bibû.

Min salan berê bi albûma wî ya bi navê „Mîro“ Nilüfer Akbal naskir û ji dengê wî û muzîka wî gelek hezkir. Wê demê min wê albûmê, şev û roj guhdarî dikir, hê jî guhdarî dikim.

Piştî vê albûmê, sala 1998’an de bi navê „Rewingî“, sala 2002’an de jî bi navê „Raye“, duh hev albûmê wî yê din jî derketin. Lê bi rastî wek mîna albûma wî ya „Mîro“ li min xweş nehatin.

Min Nîlüferê, gelek caran di konserê wî yê dervayî welat de jî guhdarî kiri bû. Ya dawîyê, di meha Cirîya Paşîn, sala 2004 an de li bajarê Stuttgart bû. Ew û Ciwan Haco bi hev re hatibun û programekî gelek xweş pêşkêşî me kirin. Di wê konserê de kilamekî Nilüferê gelek bala min kişand. Navê wî „Ez Taze me“ bu. Li wir min biryar da ku, kingê albûma wî derkeve, tenê ji bo wê kilamê be jî ezê wî bistînim.

Çend meh şunda ew albûm derket, min jî ew histand. Bi rastî ev albûm, ji ya bi navê Mîro derketi bû, zêdetir li min xweş hat. Ji bo vê yekê, van rojên dawî de li mal û di erebê de em xêncî wê kesî guhdarî nakin.

Wexta ku kilama „Ez Taze me“ dest pê dike, keçika min a çar salî Kejal, ji cîyê xwe radibe û bi alikî dilêyze, bi alikî ji bi wê ra kilam dibê je.

Gelek zeman bû, Kejalê bi me ra kurdî ne di peyivî û bersiva me jî bi almanî dida. Lê hingî ku Nilüferê guhdarî dike, hêdî hêdî zimanê wî dîsa vedigere ser kurdî.
Ji bo vê yekê jî ez dikarim bêjim, hun ji muzîka kû Nilüferê di vê albûmê de icra kiriye, heznekin jî, ez bawerim zarokên we yên piçûk jê hezbikin û bi wê ra kurdîya xwe jî pêşta bibin.

Ji bo vê yekê carek din, spasiyên xwe ji Nilüfer rê ra dişînim û dibêjim, dengê te xweş be.

8 Gulanê 2005